Germaniýanyň awtomobil öndürijisi Mercedes-Benz Group AG 2024-nji ýylyň ahyryna çenli tutuş dünýäde elektrokarlara çalt zarýad bermek üçin 2 müň sany stansiýa açmagy meýilleşdirýär. Bu barada kompaniýanyň metbugat relizinde aýdylýar diýip, interfax.ru belleýär.
Ilkinji üç stansiýa eýýäm şu güýzde Atlantada (ABŞ), Çenduda (Hytaý) we Mangeýmde (Germaniýa) ulanylyşa giriziler. Onýyllygyň ahyryna çenli awtoöndüriji desgalaryň sanyny 10 müňe ýetirmegi maksat edinýär.
Stansiýalardan marka garamazdan islendik elektromobiliň eýesi peýdalanyp biler, sebäbi gurluşlar Tesla tarapyndan taýýarlanan demirgazyk amerikan standarty (NACS), kombinirlenen ulgamlar (CCS1 we CCS2), Guobiao (GB/T) hytaý standarty ýaly dürli zarýad beriş standartlaryny göterýär.
Germaniýanyň konserniniň elektromobilleriniň eýeleri käbir artykmaçlyklara eýe bolarlar, aýratynam, olar öňünden ol ýa-da beýleki bir zarýad beriş stansiýasyny ätiýaçlandyryp bilerler.
Mercedes-Benz kompaniýasynyň paýnamalarynyň bahasy şu ýylyň başyndan bäri 9,7% ýokarlandy, DAX indeksi bu döwürde 13,3% ýokary galdy.
