«Çandraýan-3» missiýasynyň gonuş moduly bilen Ýeriň tebigy hemrasyna eltilen hindi «Pragýan» Aý roweri Aýyň günorta polýusy hakyndaky pikirleri ret edýän ilkinji ylmy maglumatlary Ýere iberdi. Bu barada Hindi kosmos gözleg guramasy (ISRO) X sosial ulgamynda (öňki Twitter) habar berdi.
Enjam Aýyň topragynyň temperaturasyny 10 sm çuňluga çenli ölçemäge ukyply mehanizli temperatura datçigi bilen enjamlaşdyrylandyr.
Neşir temperaturanyň grafigini hödürleýär.
ISRO-nyň işgäri Bi Darukeş Press Trust of India habar gullugyna bu netijeleriň hünärmenler üçin garaşylmadyk waka bolandygyny aýtdy.
"Biz Aýyň ýüzüniň temperaturasy 20-30 gradus aralygynda diýip bilýärdik, ýöne ol Selsiýa boýunça 70 gradus eken. Bu garaşylandan has ýokary" - diýip agentlik alymyň sözlerine salgylanýar.
