Prezident Serdar Berdimuhamedow Täjigistan Respublikasynyň Prezidenti Emomali Rahmona ýurtda bolup geçen köp sanly adam pidalaryna, şikes ýetmelerine hem-de weýrançylyklara getiren tebigy betbagtçylyk zerarly gynanç hatyny iberdi.
Döwlet Baştutany şu agyr pursatda gurban bolanlaryň dogan-garyndaşlaryna hem-de ýakynlaryna Türkmenistanyň halkynyň we Hökümetiniň adyndan, şeýle hem hut öz adyndan ýürekden gynanjyny we medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.
27-nji awgustda Täjigistanda bolup geçen güýçli ýagyş zerarly bolup geçen tebigy betbagtçylyk Rudaky etrabynda we Wahdat şäherinde 13 adamyň aradan çykmagyna getirdi diýip, Täjigistanyň Prezidentiniň metbugat gullugy habar berdi.
