Hindistan 23-nji awgusty, “Çandraýan-3” missiýasynyň modulynyň Aýa gonan gününi Milli kosmonawtika güni diýip yglan etdi. Bu barada respublikanyň premýer-ministri Narendra Modi habar berdi diýip, “Hindustan Times” gazeti belleýär. Muny rossaprimavera.ru ýetirýär.
Hindistanyň premýer-ministri Narendra Modi Hindistanyň Kosmos gözlegleri guramasynyň (ISRO) alymlary bilen Bangalordaky ISRO-nyň komanda merkezinde duşuşyp, olary “Çandraýan-3” missiýasynyň modulynyň Aýa üstünlikli gonmagy bilen gutlady.
“Biz ýaşlarymyzy ylym, tehnika we kosmos işlerine gatnaşmaga höweslendirmek üçin, 23-nji awgusty – “Çandraýan-3” enjamymyzyň Aýa üstünlikli gonan gününi Milli kosmos güni hökmünde bellemek kararyna geldik” – diýip, gazet Hindistanyň premýer-ministriniň sözlerini getirýär.
Modi “Çandraýan-3” enjamynyň Aýa gonan nokadynyň “Şiwaşakti nokady” diýlip atlandyryljakdygyny hem sözüniň üstüne goşdy. Şeýlelik bilen, ol aýal-gyzlaryň Hindistanyň kosmos programmasyna gatnaşmagynyň möhümdigini belledi.
