1-nji sentýabrdan başlap, Parižde elektrik skuterlerini kärendesine almak mümkin bolmaz diýip, RTBF teleýaýlymy ýekşenbe güni habar berdi.
Ýaýlymyň habaryna görä, şäher häkimligi köpçülige elektrik skuterlerini bermek hyzmatyny gadagan eden ilkinji Ýewropa paýtagty boljak Parižde bu ulaglaryň bir toparyny ýerleşdiren üç hususy operator bilen şertnamalary uzaltmak niýeti ýok.
Bu hyzmaty üpjün edijiler awgust aýynyň ahyryna çenli Parižiň köçelerinden skuterleri aýyrmaly.
Bu karar şäherdäki elektrik skuterlerini ulanmak boýunça geçirilen referendumyň netijelerine esaslanýar. Ses berişlige 100 müňden gowrak parižli gatnaşdy. 2-nji aprelde geçirilen referenduma gatnaşanlaryň 89% -i bu gadagançylyga ses berdi.
Şeýle ses berişligiň sebäbi şäheriň çar künjegine bitertip ýaýradylan skuterleriň döredýän kynçylyklary, esasanam, ony ulanyjylarynyň howpsuzlygy baradaky alada bolup durýar.
