«Inter Maýami» toparynyň argentinaly futbolçysy Lionel Messi Trofeo («Kubok») aatly aýdymyň klipinde surata düşdi. Bu barada gazeta.ru «Goal» neşirine salgylanyp habar berýär.
Bu aýdymy «Maluma» sahna ady bilen tanalýan Huan Luis Londonýo Arias we Yandel diýlip tanalýan puerto-rikaly aýdymçy Ýandel Wegilýa Malawe ýerine ýetirdi.
Klipiň ahyrynda 36 ýaşly argentinaly futbolçy «Inter Maýaminiň» köýnekçesinde toparyň stadionynda peýda bolýar hem-de täze topary bilen gazanan ilkinji we karýerasyndaky 44-nji kubogyny – Ligalaryň kubogyny Messiniň familiýasy ýazylan köýnekçede duran Maluma gowşurýar. Klip repçiniň elinde kubok bilen meýdançada tans etmegi bilen tamamlanýar.
Messi Fransiýanyň «Pari Sen-Žermen» toparynda iki ýyl çykyş edenden soň 2023-nji ýylyň tomsunda «Inter Maýami» toparyna geçdi.
Täze toparyň düzüminde sekiz oýundan soň Messiniň 10 goly we 3 ýardam pasy bar. 20-nji awgustda argentinaly futbolçy Amerikadaky ilkinji kubogyny gazandy. «Inter Maýami» çempionatyň aýgytly oýnunda 11 metrlik jerime urgulary tapgyrynda «Neşwili» ýeňip (10:9), Ligalaryň kubogynyň eýesi boldy.
