Gurgyzystanda Çolpon-Atada 21-24-nji awgustda geçirilen Dünýä kubogynda türkmen samboçylary bäş medal — bir kümüş we dört bürünç medal gazandylar.
Türkmenistanyň düzüminde ýeke-täk kümüş medaly 88 kg-a çenli agram derejesinde sport sambosy boýunça Parahat Bäşimow gazandy. Final duşuşygynda ol Russiýadan gelen Şamil Gajiýewden ýeňildi.
Bürünç medallary Muminjan Arzykulow (64 kg-a çenli), söweşjeň samboda bolsa Meýlis Nyýazmeňliýew, Kerimberdi Döwletow (ikisi hem 64 kg-a çenli), Şatlyk Çaryýew (79 kg-a çenli) gazandy.
Çempionata 11 döwletden üç ýüzden gowrak türgen gatnaşdy — Türkmenistan, Azerbaýjan, Ermenistan, Belarus, BOlgariýa, Ysraýyl, Gazagystan, Hytaý, Gyrgyzystan, Russiýa we Özbegistan.
Şu ýylda sambo boýunça iki sany Dünýä kubogy geçirilýär. Birinjisi şu gezek Gyrgyzystandan geçdi, ikinjisi sentýabrda Serbiýada geçiriler.
