Günorta Koreýanyň «Samsung» korporasiýasy öňdäki paneliniň ýagtylygy rekord derejede bolan smartfon taýýarlaýar. Bu barada «SamMobile» neşiri habar berýär.
Portalyň žurnalistleri alnan maglumatlar esasynda «Samsung-yň» nobatdaky flagmanynyň ekranyň ýagtylygynyň azyndan 2200 nit boljakdygyny aýtdylar. Başga bir çeşmede öňdäki paneliň has güýçli boljakdygy – onuň ýagtylygynyň 2500 ýa-da 2800 nit-e deňdigi bellenilýär. Bu enjamyň «Galaxy S24 Ultra» bolmagy mümkin.
Bu smartfon bazaryndaky rekord derejedir. Bu görkezijide iň ösen enjamlaryň biri – «iPhone 14 Pro Max» smartfonydyr – onuň iň ýokary ýagtylygy 2000 nit bolan paneli bar. Şeýle hem «Oppo Find X6 Pro-nyň» ekranyň ýagtylygy belli bir ýagdaýlarda 2500 nit derejä ýetip biler. Mälim ýaly, enjamyň ekrany Gün şöhlesi göni düşen ýagdaýynda ulanylanda iň ýokary ýagtylygy işjeňleşdirýär.
«SamMobile-iň» hünärmenleri «Samsung-yň» öz smartfonlarynda OLED-paneliniň täze neslini ýerleşdirip biljekdigini bellediler. Şeýle-de bolsa, batareýanyň güýjüni tygşytlamak üçin kompaniýa ekranyň ýagtylygyny maksatnamalaýyn çäklendirip biler. «Samsung Galaxy S24 Ultra» 2024-nji ýylyň başynda çykarylyp bilner.
