«Renniň» we Belgiýanyň ýygyndysynyň oýunçysy Jeremi Doku «Mançester Siti» toparyna goşuldy. Bu barada iňlis klubunyň metbugat gullugy habar berdi.
Žurnalist Fabrisio Romanonyň sözlerine görä, "Siti" 21 ýaşly futbolçy üçin fransuz klubuna 60 million ýewro tölär. Bu futbolçy “Mançester Siti” üçin 11-nji belgide oýnar.
Doku “Renn” üçin üç ýyl (2020-nji ýyldan bäri) oýnady. 2022/2023 oýun möwsüminde belgiýaly türgen ähli ýaryşlarda 35 oýna gatnaşdy, ýedi gol saldy we dört gezek netijeli pas berdi. Transfermarkt internet portalynyň habaryna görä, 21 ýaşly futbolçynyň çak edilýän bahasy 28 million ýewro.
