2024-nji ýylda Russiýanyň, Eýranyň, Gazagystanyň, Türkmenistanyň we Azerbaýjanyň kompozitorlar jemgyýetleriniň özara gatnaşyklaryna mümkinçilik berýän Hazarýaka ýurtlarynyň kompozitorlar birleşigi dörediler. Bu barada TASS agentligine Hazarýaka ýurtlarynyň Simfoniki orkestriniň çeper ýolbaşçysy we dirižýory Mihail Golikow Hazarýaka ýurtlarynyň kompozitorlarynyň Birinji halkara forumynyň çäginde habar berdi.
23-nji awgustda Astrahanda ilkinji gezek “Hazar möwsümleri” atly nusgawy sungat festiwalynyň çäginde Hazarýaka ýurtlarynyň kompozitorlarynyň ilkinji halkara forumy geçirilýär. Oňa Russiýadan, Gazagystandan, Azerbaýjandan, Eýrandan we Türkmenistandan gelen medeni işgärler we kompozitorlar gatnaşýarlar.
Halkara “Hazar möwsümleri” atly nusgawy sungat festiwaly 22-nji awgustda Astrahanda açyldy. 25-nji awgustdan 28-nji awgust aralygynda Astrahan filarmoniýasynda geçirilýän festiwalyň çäginde Azerbaýjanyň, Eýranyň, Gazagystanyň we Türkmenistanyň günleri geçiriler.
