Awgust aýynyň ikinji ýarymynda YouTube-yň işläp düzüjileri täze funksiýany – aýdym-sazy ses buýruklarynyň kömegi bilen tanamak mümkinçiligini synap başladylar. Audio ýazgysyndan ýa-da ulanyjynyň saza hiňlenmesinden soň platforma sazy kesgitläp, gözlege has laýyk gelýän kompozisiýalary görkezer. Bu barada championat.com habar berýär.
Aýdym-sazy kompozisiýanyň özüni aýtdyrmak arkaly kesgitlemäge mümkinçilik berýän meşhur Shazam programmasyndan tapawutlylykda, YouTube-da ses gözlegi ulanyjynyň hiňlenmegi esasynda aýdymy anyklap biler. Häzirki wagtda bu funksiýa Android-de synagdan geçirilýär: ol Google-yň ykjam operasion sistemasyny ulanyjylaryň bir bölegine eýýäm elýeterlidir.
YouTube-da täze ses gözleginiň hemmelere haçan elýeterli boljakdygy belli däl. Google kompaniýasynda bellenilişi ýaly, programma göni üç sekunt hiňlenmäniň esasynda sazy kesgitläp biler.
