Täze «Realme» smartfonynyň ulanyjylary enjamyň kuwwatyny sazlamak mümkinçiligine eýe bolarlar diýip, lenta.ru habar berýär.
«Realme GT5» smartfonyna prosessoryň sazlamalaryny üýtgetmäge mümkinçilik berjek funksiýa giriziler. Ulanyjylar çipiň ýygylygyny sazlap, enjamy iň ýokary öndürijilik ýa-da energiýa tygşytlamak tertibinde goýup bilerler.
«GT5-de» Snapdragon 8 Gen 2 prosessorynyň boljakdygy mälim edildi. Smartfonyň eýeleri ýagdaýa baglylykda, prosessoryň kuwwatyny üýtgedip bilerler – mysal üçin, energiýa çeşmesini köp talap edýän oýunlar we beýleki programmalar işe girizilende, çipiň işleýiş ýygylygyny artdyryp bilerler.
Hünärmenler «Realme GT5-iň» bazardaky şeýle häsiýetli ilkinji enjam bolup biljekdigini bellediler.
«Realme GT5» 24 gigabaýt operatiw ýat we 1 terabaýt goşmaça ýat bilen üpjün ediler, smartfonyň 28-nji awgustda tanyşdyrylmagyna garaşylýar.
