Saud Arabystanyň Bilim ministrligi patyşalykdaky ähli hususy we döwlet mekdeplerine hytaý diliniň maksatnamasyny girizmegi tabşyrdy. Bu barada Saudi Gazette habar berdi.
Onuň berýän maglumatyna görä, Saud Arabystanynyň mekdeplerine hytaý dili sapaklaryny girizmek baradaky karar mirasdüşer şazada we Patyşalygyň premýer-ministri Muhammed bin Salman Al Saudyň Hytaýa eden sapary wagtynda kabul edildi. Mirasdüşer şazadasynyň Er-Riýada we Pekine sapary wagtynda şalykdaky mekdepleriň we uniwersitetleriň ähli derejelerinde hytaý dilini okuw maksatnamalaryna goşmagyň meýilnamasyny düzmek barada ylalaşdy diýip, gazet belleýär.
Saud Arabystanynyň Bilim ministrliginiň görkezmesine görä, her ýekşenbe we duşenbe günleriniň dördünji sapagy mekdeplerde hytaý dilini öwrenmäge bagyşlanmalydyr. Gazetiň berýän habaryna görä, tutuş patyşalykdaky bilim bölümleri ýöriteleşdirilen synplaryň çäginde ikinji synp okuwçylary üçin hytaý dilini öwrenmegiň maksatnamasyny durmuşa geçirmäge taýýarlanýar. Her bilim bölüminde hytaý dilini öwredýän belli-belli mekdepler bolar.
