30-njy awgustda Bişkekde (Gyrgyzystan) «Barselona» ispan klubunyň we Orta Aziýanyň futbolynyň ady rowaýata öwrülen oýunçylarynyň görkezme duşuşygy geçiriler. Futbol duşuşygyna Orta Aziýanyň futbolçylarynyň düzüminde öňki türkmen futbolçylary Amandurdy Annadurdyýew we Ýazguly Hojageldiýew gatnaşar diýip, ORIENT agentligi habar berýär.
Garaşylyşy ýaly, bu duşuşyga «Barselonanyň» öňki ýyldyzlary Ronaldinýo, Riwaldo, Karles Puýol, Hawýer Sawiola, Ronald De Bur, Žuliano Beletti, Françesko Koku we beýlekiler gatnaşar.
Orta Aziýanyň öňki ýyldyz futbolçylarynyň ýygyndysynda türkmenistanly Amandurdy Annadurdyýew we Ýazguly Hojageldiýew, özbegistanly Mirjalol Kasymow, täjigistanly Muhsin Muhammadiýew, gazagystanly Samat Smakow, şeýle hem ýaponiýaly Hidetoşi Nakat, russiýaly Andreý Kançelskis we beýlekiler gatnaşar.
Futbol duşuşygy Gyrgyzystanda Jalal-Abad şäherinde Barselonanyň futbol akademiýasynyň açylyşy mynasybetli geçiriler.
Birnäçe ýyla niýetlenen taslama «Barselona» brendiniň birnäçe serişdeleriniň Gyrgyzystanda ulanylmagyny öz içine alýar.
Jalal-Abad şäherinde degişli akademiýanyň üsti bilen ýaşlaryň arasynda sport we ispan klubunyň stili wagyz ediler.
