Şotlandiýanyň Edinburg şäherindäki haýwanat bagynda ýaşaýan patyşalyk pingwini ser Nils Ulaf III Norwegiýanyň Korollyk gwardiýasynyň general-maýory harby adyny aldy. Bu barada Edinburgyň Patyşalyk harby orkestriniň web sahypasynda habar berilýär.
«Bütin dünýä belli patyşalyk pingwini indi general-maýor ser Nils Ulaf III, Buwe adalarynyň barony we Onuň Alyhezreti Norwegiýanyň Patyşalyk Gwardiýasynyň resmi nyşany diýen ýokary derejä eýe» diýlip, habarda bellenilýär.
Pingwin Norwegiýanyň gwardiýasynyň nyşany hasaplanýar. 110 ýyl ozal haýwanat bagyna norwegiýaly Edward Salwesen pingwin sowgat edipdir. Şondan soň gwardiýaçylaryň arasynda Edinburg harby ýörişine gatnaşmazdan ozal haýwanat bagyna baryp görmek däbe öwrülipdir.
1972-nji ýylda harby ýörişe gatnaşyjylar pingwini «ogullyk aldylar» we oňa Nils Egeleniň we Norwegiýanyň patyşasy Ulaf V-iň hormatyna Nils Ulaf diýip at berdiler. Guşuň nesilleri onuň derejesini miras alýarlar. Ilki bilen, patyşalyk gwardiýasy oňa rysarlyk derejesini berdi. 2005-nji ýylda bolsa Hormat garawulynyň polkownigi boldy. Üç ýyldan soň Nils Ulaf III rysarlyga göterildi. Bu wakanyň hormatyna haýwanat bagynda guşuň bürünç heýkeli oturdyldy. 2016-njy ýylda Nils Ulaf brigada generaly wezipesine bellenildi.
