«Microsoft» korporasiýasynyň «Windows 11» ulgamyny ulanyjylara öňden gurnalan programmalary operasion ulgamyndan öçürmäge mümkinçilik döredildi.
Häzirlikçe bu mümkinçilik «Windows Insider» deslapky bahalandyrma programmasy boýunça «Windows 11-iň» synag nusgalarynyň biriniň ulanyjylary üçin elýeterlidir.
Indi ulanyjylar «Kamera», «Cortana», «Suratlar», «Adamlar» ýaly adaty programmalary, şeýle hem uzakdaky iş stollaryna (Remote Desktop) birikmek üçin müşderini öçürip bilerler.
Bu aýratynlygyň ýakyn hepdelerde «Windows 11» ulanyjylarynyň ählisine elýeterli bolmagyna garaşylýar. Bu programmalaryň köpüsiniň göwrümi kiçi, ýöne bu aýratynlyk programma sanawynda ýer tygşytlamaga mümkinçilik berer.
Bellenilmegine görä, «Windows 11» üçin indiki iri täzelenme sentýabr aýynda çykar. Şol wagt hem adaty programmalary öçürmek mümkinçiligi «Microsoft-yň» ähli operasion ulgamlarynyň ulanyjylaryna elýeterli bolar. Şeýle hem sentýabr aýyndaky täzelenişde RAR we 7-Zip faýllary üçin goşmaça goldaw peýda bolar.
