Ýewropa futbol assosiasiýalary bileleşigi (UEFA) web sahypasynda ýylyň iň gowy oýunçysy baýragyna dalaşgärleri yglan etdi.
Iň gowy üç dalaşgäriň biri iýul aýynda Fransiýanyň “Pari Sen-Žermen”-inden Amerikanyň “Inter Maýami”-sine geçen Lionel Messi boldy. Şeýle hem sanawda “Mançester Siti”-niň iki oýunçysy - Erling Holand bilen Kewin De Bruýne bar.
2022-nji ýylda 36 ýaşly Messi karýerasynda ilkinji gezek dünýä çempiony boldy we Katarda ýaryşyň iň gowy oýunçysy diýlip ykrar edildi. PSŽ bilen bilelikde çempionatda we Fransiýanyň Super kubogynda ýeňiji boldy. 23 ýaşly Holand we 32 ýaşly De Bruýne “Mançester Siti”-niň düzüminde üç gezek ýeňiji boldular: Çempionlar ligasyny, çempionlygy we Angliýanyň kubogyny aldylar.
Ýeňiji 31-nji awgustda 2023/2024 möwsümiň Çempionlar ligasynyň toparçadaky tapgyrlaýyn bije atyşma dabarasynda yglan ediler. 2022-nji ýylda bu baýrak 2023-nji ýylyň tomsunda Madridiň “Real”-yndan Saud Arabystanynyň “Al-Ittihad”-yna geçen fransuz hüjümçisi Karim Benzema berlipdi.
