«Apple» «Foxconn» zawodynda Hindistanda «iPhone 15» öndürip başlady. Bu barada «Bloomberg» habar berýär we munuň işläp düzüjiniň önümçiligini diwersifikasiýalaşdyrmak strategiýasynyň bir bölegidigini belleýär. ABŞ bilen Hytaýyň arasyndaky söwda gatnaşyklarynyň ýaramazlaşmagy kompaniýany şeýle hereket etmäge mejbur edýär.
Hindi «iPhone 15-leriniň» ilkinji tapgyry Hytaýdaky esasy önümçilik toplumyndaky tapgyr iberilenden birnäçe hepde soň satuwa çykarylar. Mundan başga-da, «Apple» hindi zawodynda täze «iPhone-laryň» öndürilýän möçberini artdyrmagy meýilleşdirýär.
Hindistanda birnäçe wagt bäri kompaniýanyň ykjam telefonlarynyň ujypsyz bölegi ýygnalýar, häzirki wagta çenli ýerli önümçilik Hytaýdaky önümçilikden yza galýar. Önümçilikdäki aratapawut birnäçe aýa ýetýär. Aprel aýynda «Apple-iň» 2022-nji ýylda 7 milliard dollarlyk ähli smartfonlarynyň, takmynan, 7 göteriminiň Hindistanda ýygnalandygy mälim boldy, kompaniýanyň ýerli önümçilik kuwwatyny giňeltmek isleýändigi bellenilýär. «Bloombergiň» habar bermegine görä, Hindistanda «iPhone 15» önümçiliginiň mukdary içki gurluşlarynyň üpjünçiligine we «Foxconn» zawodynda önümçilik ugurlarynyň giňelmegine bagly bolar.
2023-nji ýylyň 13-nji sentýabrynda «iPhone 15» smartfonunyň, täze «Apple Watch Series 9» we ikinji nesil «Ultra» sagatlarynyň tanyşdyrylyş dabarasy bolar.
