Nýu-Ýork ABŞ-nyň beýleki birnäçe şäheriniň we ştatynyň hataryna goşulyp, howpsuzlygy üpjün etmek maksady bilen döwlet edaralarynda TikTok-yň ulanylmagyny gadagan etdi. Bu barada Reuters habar berýär diýip, epravda.com.ua belleýär.
Bellenilişi ýaly, Nýu-Ýorkyň edaralary 30 günüň dowamynda bu goşundyny bozmaly, işgärler hem şähere degişli gurluşlarda we ulgamlarda goşunda hem-de onuň web-saýtyna girmek mümkinçiligini ýitirerler. Nýu-Ýork ştaty döwlet ykjam gurluşlarynda TikTok-y eýýäm gadagan etdi.
Nýu-Ýorkyň häkimi Erik Adamsyň beýanynda goşundynyň şäheriň tehniki ulgamlaryna howp salýandygy aýdylýar.
"TikTok amerikaly ulanyjylaryň maglumatlaryny Hytaýyň hökümetine bermedi we bermez, goşundy ulanyjylaryň gizlinligini we howpsuzlygyny goramak üçin köp tagallalary etdi" - diýip, gysga wideolar bilen paýlaşmak üçin niýetlenen goşundynyň wekilleri belleýärler.
ByteDance hytaý kompaniýasynyň goşundysyny 150 milliondan gowrak amerikaly ulanýar. ABŞ-nyň kanun çykaryjylary ony Hytaý hökümetiniň gatyşmagyndan howatyrlanyp, gadagan etmek isleýärler.
