UEFA öz resmi saýtynda 2022/2023-möwsüminiň jemi boýunça gowşurylýan ýylyň iň gowy tälimçisi üçin baýraga dalaşgärleriň üçlügini hödürledi. Bu barada championat.com habar berýär.
Ses berişligiň netijesinde Hosep Gwardiola (“Mançester Siti”), Simone Indzagi (“Inter”) we Luçano Spalletti (“Napoli”) has köp ses aldy.
Ilkibaşda ses berişlik üçin geçen möwsümiň iň gowy tälimçileriniň gysga sanawy düzüldi. Soňra geçen möwsüm haýsydyr bir ýewrokubokda çykyş eden klublaryň baş tälimçileriniň we UEFA agza ýurtlaryň milli ýygyndylarynyň halypalarynyň ses bermegi netijesinde iň gowy tälimçileriň üçlügi kesgitlendi. Şeýle-de, ses berenleriň arasynda ýörite saýlanan žurnalistler hem bardy.
Ýeňiji 31-nji awgustda 2023/2024-möwsüminiň Çempionlar ligasynyň toparlaýyn tapgyrynyň bije çekişik dabarasynda yglan ediler.
