Google kompaniýasy Chrome brauzeri üçin patçlaryň goýberilmegini we howpsuzlyk düzedişlerini ýygjamladar. 15-nji awgustda çykarylmagy meýilleşdirilýän Chrome 116 -dan başlap, täzelenmeler her hepde, ýagny, iki esse ýygy çykar.
Google blogynyň habaryna görä, has gysga täzeleniş sikli, gowşak goraglylygy has çalt ýapmaga, kiber jenaýatçylara garşy berk durmaga we ulanyjylary howplardan goramaga mümkinçilik berer.
Chrome-yň hepdelik täzelenmesi brauzeriň öňki gurluşynda tapylan ähli iri näsazlyklary düzetmekligi öz içine alar diýip, kompaniýada düşündirdiler.
ZDNet neşiri Chrome-yň deslapky kody açyk bolan Chromium-e esaslanýandygyny ýatladýar. Bir tarapdan, bu täze aýratynlyklaryň ösüşini çaltlaşdyrýar, ýöne beýleki tarapdan, synag wersiýalarynda üýtgeşmeleri öwrenip, Google patch çykaryp ýetişmänkä, gowşaklygy ulanyp biljek hakerleriň işini has aňsatlaşdyrýar.
Düzedişleriň goýberilişiniň arasyny selçeňleşdirmek bilen, kompaniýa brauzerdäki "deşikleri" has çalt ýapyp biler. Şeýle-de bolsa, esasy web-tomaşaçylaryň täzelenmeleri öňküsi ýaly dört hepdeden bir gezek goýberiler.
