Häzirki wagtda dünýäde iň meşhur messenjerleriň biri bolan Telegramyň döredilenine, Pawel Durowyň habar berşi ýaly, şu gün 10 ýyl dolýar.
«Telegram bary-ýogy on ýylda 800 milliondan gowrak işjeň ulanyjyny diňe söz üsti bilen toplady. Esli ýyllaryň dowamynda köp sanly täzelenmeler we gowulandyrmalar arkaly Telegram häzirki zamanda habarlaşmagyň nähili bolmalydygyny kesgitledi.
Telegram üçin indiki ädim habar alyşmagyň çäklerinden çykyp, umuman, sosial media täzeliklerine ýolbaşçylyk etmekdir. Biz öz meşhurlygymyzy milliardlarça adamlaryň durmuşyny gowulyga tarap üýtgetmek, planetamyzdaky adamlary ruhlandyrmak we beýgeltmek üçin ulanmalydyrys» - diýip Pawel Durow belleýär.
Şeýle hem, ol iýul aýynda diňe tölegli Telegram Premium abunasynyň eýeleri üçin peýda bolan hatlary neşir etmek mümkinçiliginiň kem-kemden ähli ulanyjylar üçin elýeterli bolup ugrajakdygyny aýtdy.
Geçen on ýyl tolgundyryjy bolanam bolsa-da, geljek 10 ýyl Telegramyň öz hakyky mümkinçiliklerini açjak döwri bolar - diýip, Pawel Durow nygtady.
