Belarusda geçen GDA ýurtlarynyň II oýunlarynyň ahyrky gününde iki sany türkmen türgeni — Sapar Döwletow we Guwanç Begaliýew sambo boýunça bürünç medal gazandylar.
Sapar Döwletow 94 kg çenli agram derejede bürünç medal aldy. Beýleki bürünç medaly russiýaly Alekseý Zaýsew gazandy. Ikinji orunda Mongoliýadan Enebiş Battseren, birinji orunda Özbegistandan Kabuljan Ahmedow ýerleşdi.
Sambo boýunça ýene bir bürünç medaly türkmen ýygyndysyna 98 kg çenli agram derejede Guwanç Begaliýew getirdi. Beýleki bürünç medaly azerbaýjanly Rasul Aýdamirow aldy. Russiýaly Ýegor Osipow kümüş, özbegistanly Ihtiýar Ýeşmuradow altyn medal gazandy.
Belläp geçsek, Türkmenistanyň milli ýygyndysy GDA ýurtlarynyň II oýunlarynyň umumy medal sanawynda onunjy orunda ýerleşdi. Milli ýygyndymyzyň hasabynda 18 medal boldy (3 kümüş, 15 bürünç).
