UFC-niň prezidenti Dana Uaýt 4-nji noýabrda UFC-niň Braziliýada geçiriljek ýaryşynyň esasy söweşine gatnaşyjylaryň atlaryny resmi taýdan yglan etdi. San-Pauluda geçiriljek UFC Fight Night 228 ýaryşynyň esasy söweşi amerikaly Kýortis Bleýds bilen braziliýaly Žailton Almeýdanyň arasyndaky agyr agram derejesindäki söweş bolar. Bu barada Uaýtyň sözlerinden UFC-niň resmi saýty habar berýär diýip, championat.com belleýär.
32 ýaşly Bleýds (17-4-0) soňky söweşinde russiýaly agyr agramly söweşiji Sergeý Pawlowiçden ýeňlip, ýeňişli tapgyrynyň arasyny kesdi. Söweş birinji raundda nokaut bilen tamamlandy. Amerikaly UFC-niň agyr agramly söweşijileriniň reýtinginde bäşinji orny eýeleýär. 32 ýaşly braziliýaly Almeýda (19-2-0) 14 söweşden ybarat ýeňişli tapgyrynda barýar. 13-nji maýda ol surinamly söweşiji Žairzinýo Rozenstraýky demikdiriji usul bilen ýeňdi. Agyr agramly söweşijileriň reýtinginde braziliýaly dokuzynjy orny eýeleýär. Almeýda Dana White’s Contender Series ýaryşy arkaly UFC bilen şertnama gazandy.
