Iki agram derejesinde Absolýut söweş çempionatynyň (UFC) öňki çempiony Konor Makgregor dekabr aýynda Maýkl Çendler bilen söweşjekdigini habar berdi.
«Maýkl Çendler bilen indiki tutluşyk dekabr aýynda geçiriler. Soňra BMF çempionlygy üçin Jastin Geýji bilen tutluşyk bolar, ondan soň Neýt Diaz bilen üçünji söweşimi bolar» diýip, Makgregor belledi.
34 ýaşly Makgregoryň soňky tutluşygy «UFC 264» ýaryşynda amerikaly Dastin Porýe garşy geçirilipdi. Tutluşyk birinji raundda tamamlandy we onuň netijesinde irlandiýaly söweşijiniň aýagy döwüldi.
2022-nji ýylyň oktýabr aýynyň ahyrynda Makgregoryň oktagona gaýdyp gelmeginiň alty aýdan ir bolmajakdygy habar berlipdi. Türgeniň çykyş etmegine rugsat bermekleri üçin alty aýlyk doping synagyndan geçmeli, şeýle hem iki barlag hem oňyn däl netije görkezmeli.
Makgregor «UFC-niň» ýeňil we ýarym ýeňil agram derejelerinde öňki çempionydyr.
