Aýdymçy Beýonseniň ýaňy-ýakynda eden gezelenç çykyşlarynyň hormatyna Amerikanyň Atlanta şäheriniň häkimiýeti 11-nji awgusty Beýonse güni diýip atlandyrmak kararyna geldi diýip, gazeta.ru UPROXX neşirine salgylanyp habar berýär.
«Tejribeli aýdymçy, aýdymlaryň awtory we prodýuser hökmünde Beýonse döredijilik çäklerini yzygiderli giňeldýär, sungatyndan peýdalanyp, tomaşaçylarda seslenme tapýan dürli hekaýalary gürrüň berýär we jemgyýetçilik özgertmelerini goldap çykyş edýär. Aýal-gyzlaryň hukuklaryny we mümkinçiliklerini artdyrmak, jyns taýdan deňligi goldamak boýunça alyp barýan işleri dünýädäki jemgyýetlere uly täsir etdi» diýip, Atlanta şäheriniň geňeşinde belläp geçdiler.
«Renaissance Tour» Beýonseniň dokuzynjy konsert saparydyr we ol 1-nji oktýabrda tamamlanar.
2023-nji ýylyň fewral aýynda Beýonse «Gremmi» baýraklarynyň sany boýunça rekordyň eýesi boldy. Aýdymçy birbada dört ugur boýunça ýeňiji boldy: «Iň gowy tans/elektron albomy» («Renaissance»), «Iň gowy R&B stilindäki aýdym» («Cuff It»), «Iň gowy tans ýazgysy» («Break My Soul») we «Iň gowy däp bolan R&B çykyş» («Plastic Off The Sofa»). Taryhdaky iň köp «Gremmi» baýragynyň – 32 sany heýkeljigiň eýesi boldy, bu rekordyň öňki eýesi, dirižýor Georg Şolti bilen deňeşdirilende bir heýkeljik köpdür.
