Germaniýaly işläp düzüjiler kompýuter syçanjygy ýaly işleýän, ýöne eliň aýasy bilen göni galtaşyk zerurlygy bolmadyk barmaklara dakylýan «Clip Mouse» enjamyny tanyşdyrdylar.
«Clip Mouse» süýem we orta barmaklara berkidilýär, ol gapdalyndan seredilende U harpynyň şekilindäki gysdyrgyjy ýatladýar. Onda ýerleşdirilen akselerometriň kömegi bilen ulanyja adaty syçanjykda edilýän hereketleri gaýtalamak ýeterlikdir. Netijede, syçanjyk hereketleri kesgitleýär we buýruklary Bluetooth arkaly kompýutere geçirýär.
Syçanjygyň aşaky bölegi herekete duýgurdyr, bu bolsa oňa çep ýa-da sag düwmeleriň basylýandygyny imitirlemäge mümkinçilik berýär. Şeýle hem «Clip Mouse» sahypany geçirmek buýrugyna hem düşünýär. Syçanjygyň ortasyndaky tigiriň ýerine, bu hereketleri barmagyňyz bilen gaýtalamak ýeterlikdir.
Tekst ýazylanda enjamyň gyrasynda ýerleşýän düwmäni basmak arkaly syçanjyk öçürilýär. Şol düwme kursory ekranyň ortasynda merkezleşdirmek üçin hem ulanylýar.
Täze enjam litiý-ion batareýasy bilen üpjün edilendir. Işläp düzüjileriň bellemeklerine görä, adaty bolmadyk syçan bir zarýadda 50 sagada çenli işläp biler. Zarýad bermek üçin USB porty göz öňünde tutulandyr.
«Clip Mouse» 59 ýewro bahadan satylýar.
