Ýogalan basketbolçy Kobi Braýantyň aýaly Wanessa Braýant Nike üçin ärine bagyşlap, «Protro 8» diýlip atlandyrylýan ýörite krossowkalaryň dizaýnyny işläp düzdi diýip, gazeta.ru «Daily Mail» neşirine salgylanyp habar berýär.
Krossowkalar 23-nji awgustda satuwa çykarylar. Şol gün «Los-Anjeles Leýkers» basketbol toparynyň oýunçysynyň 45 ýaşy dolmalydy.
Nike Wanessa Braýantyň «Halo» aýakgap konsepsiýasyny döredendigini we ony satuwa çykarandygyny belledi. «Bu her ýyl Kobiniň doglan gününi bellemegiň bir usuly» diýip, sport brendi nygtady.
Häzirki wagtda «Nike» krossowka bazarynyň 18%-ni eýeleýär we bu ugurda öňdebaryjyly saklaýar.
