OnePlus kompaniýasy 16-njy awgustda Hytaýda özüniň täze OnePlus Ace 2 Pro smartfonyny hödürlär. Bu täzeligiň esasy aýratynlyklarynyň biri 150 Wt kuwwatly ultratizlikli zarýad beriji SuperVOOC S bolar. Onuň kömegi bilen enjamyň 5000 mAs sygymly akkumulýatory bary-ýogy 17 minutda doly zarýad alyp biler diýip, ferra.ru habar berýär.
SuperVOOC S tehnologiýasy gönüden-göni OnePlus-da işlenip düzüldi we batareýa mümkin boldugyndan seresaply çemeleşer ýaly ýagdaýda döredildi.
Kompaniýa onuň kömegi bilen akkumulýatoryň hyzmat ediş möhletiniň 4 ýyl boljakdygyny nygtaýar (ýagny, 4 ýyl ulanylyşdan soň batareýa ilkibaşdaky sygymynyň azyndan 80%-ini saklar).
Mundan başga-da, OnePlus Ace 2 Pro kompaniýanyň UFCS (Universal Fast Charging Specification) protokolyny goldaýan ilkinji smartfony bolar. Ol Oppo, Vivo, Xiaomi we Huawei ýaly kompaniýalar bilen hyzmatdaşlykda olaryň çalt zarýad beriş çözgütleriniň arasynda gabat gelijiligi üpjün etmek maksady bilen işlenip düzüldi.
