8-nji awgustda GDA ýurtlarynyňň II oýunlarynda Türkmenistandan 15 ýaşly Ezizmuhammet Sähedow sportuň ýaýdan ok atmak görnüşi boýunça bürünç medal gazandy. Türkmenistanly türgne 3-nji ýer üçin ýaryşda russiýaly Sodnom Budaýewden 7:1 hasabynda üstün çykdy.
Türkmen türgeniniň kakasy — Ýaýdan ok atmak boýunça milli federasiýanyň başlygy we türkmen ýygyndysynyň baş tälimçisi Wepa Sähedow sb.by saýtyna beren interwýusynda şeýle diýdi:
— Alnan netijeden hoşal. Oglum bu ýaryşda iň ýaş gatnaşyjylaryň biridigine garamazdan, köplerden ööňe geçmegi başardy. Kwalifikasiýada Ezizmuhammet 10-njy netijäni görkezdi. Ýaryşda ilki Ermenistandan Dawtýandan 6:0 üstün çykdy. Soňra belarusly Prilepow (5:6) we russiýaly Mahmudow (6:2) gabat geldi. Ýarym finalda welin, Russiýadan gelen türgen Syrendorjiýew bilen ýaryş agry boldy. Ilki 5:5 netije boldy, Goşmaça ok atdyrylanda garşydaşymyz nyşana has golaý atdy. Ol 9-lyga, biz 8-lige urduk.
