Bloger Jeýk Pol boks söweşinde UFC-niň eks-çempiony Neýt Diasy ýeňdi. Söweş Dallasda geçirildi. Pol emin agzalarynyň biragyzdan karary bilen Diasdan üstün çykdy. Dias üçin bu professional boks ringinde ilkinji söweş boldy. Bu barada sportrbc.ru habar berýär.
Pol Vine sosial ulgamynda bloger hökmünde belli bolup, 5 million abunaçy ýygnapdy. Häzir YouTube-da onuň 20 milliondan gowrak abunaçysy bar. 2016-njy ýylda ol aktýorlyk karýerasyna başlady, Disney-iň “Bizzardvark” teleserialy ýaly birnäçe taslamalarda surata düşdi.
Pol professional boksda ilkinji gezek 2019-njy ýylyň dekabr aýynda çykyş etdi. 26 ýaşly amerikalynyň hasabynda indi ýedi ýeňiş we bir ýeňliş bar.
Dias UFC-de 15 ýyl çykyş etdi, ýeňil agramda titula dalaşgär boldy, promouşeniň eks-çempionlary Konor Makgregordan we Entoni Pettisden üstün çykdy.
38 ýaşly Diasyň hasabynda MMA-da 21 ýeňiş we 13 ýeňliş bar. Ol UFC-de soňky söweşini 2022-nji ýylyň sentýabr aýynda geçirdi we Toni Fergýusony ýeňdi. Şol söweşden soň ol UFC-den gidýändigini habar berdi.
