Apple Inc. 2023-nji maliýe ýylynyň üçünji çärýeginde arassa girdejisini bazar çaklamasyndan gowşak azaltdy, şol bir wagtyň özünde girdeji çaklama bilen gabat geldi diýip, interfax.ru habar berýär.
Kompaniýanyň hasabatyna görä, 1-nji iýulda tamamlanan çärýegiň jemi boýunça arassa girdeji geçen ýylyň degişli çärýegindäki 19,442 mlrd dollar ýa-da paý üçin 1,2 dollar bilen deňeşdirilende, 19,881 mlrd dollar ýa-da paý üçin 1,26 dollar boldy. Girdeji bir ýyl ozalky 82,959 mlrd dollara garşy 81,797 mlrd dollara çenli azaldy.
FactSet tarapyndan sorag edilen analitikler kompaniýanyň düşewündini 81,8 mlrd dollar girdejide ortaça paý üçin 1,2 dollar derejesinde çaklapdylar.
Geçen çärýek iPhone satuwyndan girdeji geçen ýylky 40,665 mlrd dollardan 39,669 mlrd dollara çenli azaldy. Mac kompýuterleriniň satuwyndan gazanylan girdeji 7,382 mlrd dollardan 6,84 mlrd dollara, iPad planşetlerinden – 7,224 mlrd dollardan 5,791 mlrd dollara çenli azaldy. Şol bir wagtyň özünde, dakylýan gurluşlardan, aksessuarlardan we öý üçin gurluşlardan gelen girdeji 8,084 mlrd dollar bilen deňeşdirilende, 8,284 mlrd dollara çenli ýokarlandy.
App Store, Apple Music, Apple Pay we iCloud ýaly hyzmatlaryň girdejisi bir ýyl ozalky 19,604 mlrd dollardan 21,213 mlrd dollara ýetdi.
Apple paýnamalarynyň bahasy penşenbe güni söwdada 2,1% peseldi.
