Mahaçkalanyň «Dinamo» kluby öz meýdançasynda Russiýanyň derejesi boýunça ikinji ýerde durýan futbol diwizionynyň — Birinji ligasynyň üçünji tapgyrynyň çäklerinde Krasnodaryň «Kuban» klubuny 2:0 hasabynda ýeňdi.
Gollary Rajab Magomedow we Nikita Gluşakow geçirdi. Netijede, Gurban Berdiýewiň tälimçiliginde «Dinamo» ilkinji ýeňşini gazandy.
Indiki tapgyrda Gurban Berdiýewiň şägirtleri Naberežnyý Çelny şäheriniň «KAMAZ» futbol kluby bilen duşuşar.
Türkmen hünärmeni mahaçkala klubuna iýulyň başynda geldi.
