2024-nji ýylda Parižde geçiriljek Olimpiýa oýunlarynyň Guramaçylyk komiteti oýunlar açylmazdan ozal Olimpiýa alawy estafetasynyň çäklerinde ulanyljak alawyň dizaýnyny mälim etdi. Sişenbe güni ýaýradylan habara görä, bu işiň wizual çözgüdinde "deňlik, suw we parahatçylyk" mazmunlary agdyklyk edýär.
Geljekki oýunlaryň nyşanlaryndan birini döretmekde guramaçylar dizaýner Matýe Leannere ýüz tutdular. Ýokary senagat döredijilik mekdebiniň uçurymy "tehnologiýanyň, sungatyň we dizaýnyň bilelikde ýaşamagyny üpjün etmek" işine köp ugurly çemeleşýär. "Eserlerinde tebigata, ylma, taryhy we tehnologiýa bil baglaýar" – diýip beýanatda nygtalýar.
Alawyň uzynlygy 70 sm, ýokarky we aşaky böleginiň minimal diametri 3,5 sm, ortasynda aňrybaş diametri 10 sm. Bu dizaýnyň agramy 1,5 kg. Jemi 2000 nusga taýýarlanylar, "bu öňki oýunlaryňka garanyňda bäş esse az". Bildirişde bellenip geçilişi ýaly, alawlaryň öndürilişini azaltmak daşky gurşawa täsirini azaldar.
Pariždäki Olimpiýa oýunlary 2024-nji ýylyň 26-njy iýulyndan 11-nji awgustyna çenli dowam eder.
