«Samsung» Koreýada «MicroLED» matrisaly 89 dýuýmlyk telewizorynyň satuwa çykaryljakdygyny yglan etdi diýip, «gazeta.ru» «ITHome» portalyna salgylanyp habar berýär.
«MNA89MS1BACXKR» telewizory innowasion «MicroLED» tehnologiýasy bilen üpjün edilendir. Onuň ekrany 20 milliondan gowrak mikroyşykly diodlardan ybaratdyr hem-de «HDR10» we «HDR10+» durulygynda görkezmäge, şeýle hem 2000 кд/м2 derejesinde ýokary ýagtylyga eýedir.
Täze telewizor «Micro AI» prosessorynyň binýadynda işleýär. Şeýle hem onda 100 Wt kuwwatlylygy bolan 6.2.2 kanally ses ulgamy, sesiň we şekiliň sazlaşdyrylmagy üçin «OTS Pro» tehnologiýasy, sesi özbaşdak dolandyrmak üçin «AVA» tehnologiýasy ornaşdyrylandyr.
«Samsung Electronics Korea» kompaniýasynyň wise-prezidenti Tehwan Hwan «MicroLED» gurluşly telewizorlarynyň gerimini 76, 101 we 114 dýuýmlyk nusgalar bilen giňeltmegi maksat edinýändiklerini belledi. Olaryň aýratynlyklary we çykjak seneleri heniz mälim edilmedi.
