1 karat agramly brilliantyň dünýädäki nyrhy 2020-nji ýylyň noýabryndan bäri iň pes derejesine düşdi diýip, «Lenta.ru» habar berýär.
1 karat agramly gymmat baha daşlaryň nyrhy soňky alty aýyň dowamynda 8,4%, geçen ýylyň iýul aýy bilen deňeşdirilende bolsa 23,9% aranlady. 2023-nji ýyldan bäri 3 karatlyk brilliantyň nyrhy 4,9%, geçen ýylyň tomsundan bäri bolsa 15,8% pese düşdi. Iň ownuk 0,5 karatlyk daşlar bolsa şol döwürler üçin, degişlilikde, 10,2% we 23% arzanladylar.
Umuman, 2022-nji ýylyň ýaz aýlaryndan bäri brilliantlaryň nyrhy aşak düşýär. Munuň sebäbi dünýä bazarlarynda gymmat baha şaý-seplere bolan islegiň azalmagydyr.
