LCG Auctions auksion öýi iPhone-nyň 2007-nji ýyldaky modeliniň auksionda rekord derejede 190 000 dollara satylandygyny habar berdi. Bu barada auksion öýüniň resmi web sahypasynda yglan edildi.
Lotuň beýan edilişine görä, şol bir model öň auksionlara gatnaşypdy we bahasy has pesdi. 2022-nji ýylyň oktýabr aýynda ol 39 müň dollara satyldy we 2023-nji ýylyň fewralynda rekord derejede 63 müň dollara çykdy. Şeýle-de bolsa, LCG Auctions-yň habar bermegine görä, ýekşenbe güni agzalan model üýtgeşik bahadan, ýagny 190,372 müň dollara satyldy.
Auksion öýi lotuň bahasynyň ýokarlanmagynyň modeliň ýady bilen baglydygyny düşündirýär. Öň satylan iPhonlaryň 8 GB ýady bardy. Ýekşenbe güni satylan iPhone-nyň ýady 4 GB bar. Lotuň beýanynda görkezilişi ýaly, kolleksiýa toplaýjylar bazarda sanynyň çäkliligi we seýrekligi sebäpli bu modeli gymmatly hasaplaýarlar. Bu model 2007-nji ýylyň 29-njy iýunynda iki wersiýada çykdy: 4 GB (499 $) we 8 GB (599 $). Şeýle-de bolsa, has kiçi ýat modeli beýlebir meşhur däldi we onuň önümçiligi 2007-nji ýylyň sentýabr aýynda bary-ýogy iki aýdan soň bes edildi.
Auksion öýi satylan modeliň ýagdaýynyň gowudygyny we iPhone-nyň inžerleriniň ilkinji toparynyň agzalarynyň biriniň elinden auksiona gelendigini belleýär.
