Bütindünýä boks forumy 27-nji awgustda Hytaýda geçiriler. Bu barada halkara boks birleşiginiň (IBA) metbugat gullugy duşenbe güni habar berdi.
IBA-nyň direktorlar geňeşi guramanyň strategiki ösüşiniň ugruny ara alyp maslahatlaşmak üçin 15-nji iýulda degişli karar kabul etdi. Mundan başga-da, ýakyn geljekde kontinental we dünýä ýaryşlarynda täze ders - interaktiw boks ýaryşlary hödürlener.
"Bu gün sport üçin inklýuziw global geljegiň strategiki ugruny düzenimizde boks üçin öwrülişik pursady boldy. IBA näme bolsa-da öňe barýar. Boksuň we türgenlerimiziň geljegi üçin ara alnyp maslahatlaşylan ähli aspektleri durmuşa geçirilmegine sabyrsyzlyk bilen garaşýarys – diýip, IBA-nyň başlygy Umar Kremlýew aýtdy.
"Forumy kabul etmek üçin Hytaýy saýlamak bilen biz Aziýa ýylyny belleýäris we sebitiň boksa bolan höwesine hormat goýýarys. Boks pudagyny ösdürmek ugrundaky tagallalary we diňe bir saýlama sporty däl, eýsem köpçülikleýin sporty güýçlendirmek meýilleri üçin ýurda tüýs ýürekden minnetdarlygymy bildirýärin. Hytaý ýaly güýçli hyzmatdaş bilen bilelikde boksuň geljegini düzýäris we öňde boljak mümkinçilikler meni ruhlandyrýar " – diýip, halkara federasiýasynyň prezidenti sözüniň üstüni ýetirdi.
