Prezident Serdar Berdimuhamedow Türkmen döwlet bedenterbiýe we sport institutynyň rektory wezipesine H.Nunnaýewi belläp, ony şol institutyň ylmy işler boýunça prorektory wezipesinden boşatdy. Degişli resminama döwlet Baştutany 6 aýyň jemlerine bagyşlanan Hökümet mejlisinde gol çekdi. Bu barada «Watan» habarlar gepleşiginde aýdyldy.
Institutyň öňki rektory A.Saparow Bedenterbiýe we sport baradaky döwlet komitetiniň başlygy wezipesine bellenildi.
Şeýle hem mejlisiň çäklerinde Aba Annaýew adyndaky Halkara atçylyk akademiýasynyň okuw işleri boýunça prorektory wezipesine S.Ataýew, ylmy işler boýunça prorektory wezipesine M.Piriýew bellenildi.
