Dünýä çempiony Fýuri oktýabrda UFC-iň öňki çempiony Ngannu bilen söweşer

  • 13.07.2023 10:46
  • 16k+

Bütindünýä boks geňeşiniň (WBC) aşa agyr agramdaky dünýä çempiony iňlis pälwany Taýson Fýuri bilen UFC-niň agyr agramdaky öňki çempiony kamerunly türgen  Frensis Ngannunyň arasyndaky söweş 28-nji oktýabrda Saud Arabystanynda geçiriler. AFP bu barada sişenbe güni Fýuriniň toparyna salgylanyp habar berdi.

Fýuriniň topary söweşiň professional boksuň düzgünlerine laýyklykda geçiriljekdigini we görkezme häsiýetli bolmajakdygyny aýtdy. Şol bir wagtyň özünde WBC-niň guşagy ugrunda söweşilmez. Ondan öň ESPN-niň žurnalisti Maýk Koppinger söweşiň geçiriljek senesi we ýeri barada habar beripdi.
Fýuri 34 ýaşynda, 2015-nji ýylyň noýabr aýynda ukrainaly türgen Wladimir Kliçkony ýeňdi we Halkara boks federasiýasynyň (IBF), Bütindünýä boks birleşiginiň (WBA) we Bütindünýä boks guramasynyň (WBO) titulyna eýe boldy. Şondan soň britaniýaly türgen saglyk we neşe meseleleri sebäpli 2,5 ýylyny sypdyrdy. 2020-nji ýylda ol amerikaly pälwan Deonteý Uaýlder bilen geçirilen tutluşykda WBC-niň  titulyna eýe boldy we ony üç gezek gorady. Fýuri professional ýaryşda ýeňilmegiň nämedigini bilmeýär - 33 ýeňiş (24 nokautly) we 1 deňme-deňlik.
36 ýaşly Ngannu garyşyk söweş sungatynda 17 ýeňiş we 3 ýeňliş gazandy hem-de 2021-nji ýylda UFC-niň agyr agram derejesindäki titulyny aldy.


25.07.2025 17:10
8.9k+

Aleksandr Usik WBO-nyň guşagyny saklap galmak üçin Jozef Parker bilen duşuşmaly bolar

Agyr agram derejesinde boks boýunça dünýäniň absolýut çempiony ukrainaly Aleksandr Usik Bütindünýä boks guramasynyň (WBO) wersiýasy boýunça dünýä çempiony adyny saklap galmak üçin täze zelandiýaly Jozef Parker bilen söweşmeli bolar...

24.07.2025 14:24
9.6k+

Dwalişwili, Ankalaýew, Prohazka... UFC 320-de boljak üç esasy söweş yglan edildi

UFC-niň metbugat gullugy 4-nji oktýabrda Las-Wegasda UFC 320 ýaryşynyň çäklerinde geçiriljek üç uly söweşi yglan etdi. Söweşleriň birinde iň ýeňil agramda UFC-niň çempiony, gruziýaly söweşiji Merab Dwalişwili bilen amerikaly Kori Sendhagen duşuşar...

24.07.2025 14:16
9.1k+

UFC soňky ýaryşdan we Porýe gidenden soň ýeňil agramda söweşijileriň reýtingini täzeledi

UFC-niň metbugat gullugy 20-nji iýulda Täze Orleanda (Luizina ştaty, ABŞ) geçen UFC 318 ýaryşynyň jemi boýunça söweşijileriň reýtinglerini täzeledi. Ýeňil agramly söweşijileriň täzelenen sanawyndan karýerasyny tamamlan amerikaly Dastin Porýe aýryldy...

24.07.2025 10:04
3.8k+

Tom Aspinall UFC-niň Abu-Dabide geçiriljek ýaryşynda Siril Gan bilen duşuşar

25-nji oktýabrda Abu-Dabide geçiriljek UFC 321 ýaryşynda agyr agramda çempion (120 kilograma çenli) britaniýaly Tom Aspinall bilen fransuz Siril Ganyň arasynda söweş bolar. Bu barada X sosial ulgamynda söweş mahabatynyň resmi akkaunty habar berdi...