Mahaçkalanyň «Dinamo» futbol kluby türkmenistanly hünärmen Gurban Berdiýewi klubuň täze baş tälimçisi edip belledi. Bu barada ýekşenbe güni klubuň metbugat gullugy habar berdi.
Tälimçi bilen şertnamanyň möhletleri barada aýdylmaýar.
Gurban Berdiýew 70 ýaşynda, soňky gezek ol 2022-nji ýylyň dekabryndan 2023-nji ýylyň apreli aralygynda «Soçi» futbol klubuna tälimçilik etdi. 2021-nji ýyldan 2022-nji ýyla çenli ol Gazagystanyň «Kaýrat» klubuna, 2022-nji ýylda Eýranyň «Traktor» klubuna tälimçilik etdi. 2001-2013-nji ýyllarda hem-de 2017-2019-njy ýyllarda Kazanyň «Rubin» klubuna tälimçilik etdi. 2015/16 möwsümde «Rostow» klubuna tälimçilik etdi.
2022/23 möwsümde Mahaçkalanyň «Dinamo» kluby Birinji liganyň ýaryş jedwelinde 34 oýunda 46 utuk toplap, sekizinji ýeri eýeledi. Möwsümiň netijeleri boýunça «Dinamo» kluby Mir-Russiýanyň Premýer-ligasynda çykyş etmäge hukuk berýän synag oýunlaryna gatnaşan Moskwanyň «Rodina» klubundan bary-ýogy dört utuk yza galdy.
