Gyrgyzystanda Asman atly innowasion şäheriň düýbi tutuldy

  • 02.07.2023 17:19
  • 32k+

Gyrgyzystanda Issyk-Kul kölüniň kenaryndaky geljekki Asman şäheriniň gurluşygy üçin kapsula goýuldy. Bu barada ýurduň prezidentiniň saýtynda habar berilýär diýip, realty.rbc.ru belleýär.

Gyrgyzystanyň prezidenti Sadyr Žaparowyň aýdyşy ýaly, Asman innowasion şäheri Gündogar bilen Günbatary, Demirgazyk bilen Günortany birleşdirýän maliýe merkezine we Gyrgyzystanyň ykdysadyýeti üçin lokomotiwe öwrülmeli.

“Asman şäheriniň taslamasyna we onuň gurluşygynyň başlamagyna döwlet býujetinden bir teňňe hem sarp edilmedi. Bu şeýle uly taslamanyň durmuşa geçirilmegine gatnaşmak isleýän daşarky maýadarlaryň bolmagy bilen baglanyşyklydyr” – diýip, Žaparow belledi.

Öň, Asman şäheriniň beýikden Gyrgyzystanyň milli aýdym-saz guraly komuz ýaly görünjekdigi habar berildi. Täze şäheriň meýdany 4 müň gektar bolup, onda 500 – 700 müň adam ýaşap biler. Taslamany durmuşa geçirmegiň takmynan möhleti ýedi ýyldan on ýyla çenlidir.
Konsepsiýa laýyklykda, ekologiýa taýdan arassa şäher Asman öňdebaryjy bilim ulgamynyň ornaşdyrylmagy, döwrebap işewürlik merkezleriniň we maliýe-karz edaralarynyň gurulmagy göz öňünde tutulýan ýurduň ykdysady we syýahatçylyk merkezi bolmaly. Şeýle-de, şäherde abadanlaşdyrylan ýerler we seýilgähler, döwrebap syýahatçylyk we sport infrastrukturasy bolar.


13.09.2025 15:48
3.3k+

Figure 02 gumanoid roboty gap-gaç ýuwmagy öwrendi

Kaliforniýanyň Figure startapy uniwersal Helix AI emeli aň modeli täzeledi, munuň netijesinde Figure 02 gumanoid roboty täze başarnygy - gap-gaç ýuwýan maşyna gap-gaçlary seresaplylyk bilen ýerleşdirmegi öwrendi...

13.09.2025 15:43
4.5k+

Gurluşyk çyzgylaryny göni betona geçirýän robot döredildi

Amerikanyň Dusty Robotics kompaniýasy sanly gurluşyk çyzgylaryny göni beton plitalara geçirýän FieldPrinter robotyny hödürledi. Tehnologiýa bellikleri has çalt we has takyk ýerine ýetirmäge mümkinçilik berýär, bu köp wagty talap edýän el bilen işlemek zerurlygyny aradan aýyrýar...

05.09.2025 16:58
5.1k+

Hytaýda bedeniň ýylylygyndan elektrik energiýasyny öndürýän rezin döredildi

Pekin uniwersitetiniň barlagçylary adam bedeniniň ýylylygyny elektrik energiýasyna öwürýän rezin materialy işläp taýýarladylar diýip, South China Morning Post habar berýär. Täze tehnologiýa termoelektrik ýörelgelerine esaslanýar: bedeniň (37° C töweregi) we daşky gurşawyň (20–30 ° C) arasyndaky temperatura tapawudy elektrik energiýasyny öndürmäge mümkinçilik berýär...

26.08.2025 21:23
2.3k+

Boston Dynamics kompaniýasy Atlas robotyna çylşyrymly başarnyklary özleşdirmegi öwretdi

Boston Dynamics kompaniýasy Atlas modeliniň mysalynda adam şekilli robotlaryň ösüşiniň täze derejesini hödürledi. Indi robot diňe bir hereket etmäge ukyply bolman, eýsem Toyota Research Institute (TRI) bilen bilelikde döredilen uly özüni alyp baryş modelleriniň (LBMs) dolandyrmagynda dowamly we çylşyrymly başarnyklary ýerine ýetirip bilýär...