Apple-iň kapitallaşdyrmasy taryhda ikinji gezek 3 trln dollardan geçdi

  • 02.07.2023 17:16
  • 9.6k+

Apple kompaniýasynyň kapitallaşdyrmasy 30-njy iýunda söwdadan öň ýene-de 3 trln dollardan geçdi. Aşgabat wagty bilen sagat 13:03-e çenli ýagdaýa görä, IT ägirdiniň paýnamalary NASDAQ biržasynda 0,64%, 190,8 dollara çenli gymmatlady, netijede kompaniýanyň bazar bahasy 3,001 trln dollara ýetdi. Kagyzlar kompaniýanyň 43 ýyllyk taryhynda iň ýokary derejä ýetdi diýip, quote.rbc.ru belleýär.

Ilkinji gezek Apple-iň bazar bahasy 2022-nji ýylyň 3-nji ýanwarynda geçirilen söwdada 3 trln dollardan geçdi. Ýöne şonda kompaniýa söwda gününi 3 trln dollardan gowrak kapitallaşdyrma bilen tamamlap bilmedi.
Wedbush analitik kompaniýasy Apple-iň bahalarynyň mundan beýläk hem ösmegini çaklaýar. Analitikleriň hasabyna görä, kompaniýanyň adalatly bazar bahasy 3,5 trln dollara barabar. Şol bir wagtyň özünde, Wedbush 2025-nji ýyla çenli iPhone öndürijisiniň kapitallaşdyrmasynyň häzirki derejeden ýene 25% - 4 trln dollara çenli ýokarlanyp biljekdigini çaklaýar.


09.09.2025 23:17
6.8k+

Trillioner tehnologiýa ägirtleriniň umumy kapitalizasiýasy 21 trln dollara ýetdi

ABŞ-nyň sekiz sany iň uly tehnologiýa kompaniýalarynyň umumy bahasy 21 trln dollardan geçdi. Nvidia-nyň paýnamalarynyň pese gaçandygyna garamazdan, bir hepdede olaryň bazar bahasy 420 mlrd dollar ýokarlandy. Indi bu kompaniýalar S&P 500 indeksiniň, takmynan, 36%-ini emele getirýär diýip, CNBC habar berýär...

01.09.2025 16:52
5.3k+

Apple we Samsung kemsidiji mahabatlary üçin Xiaomi-ni kazyýete bermek isleýär

Apple we Samsung Hytaýyň Xiaomi kompaniýasyna nägilelik bilen ýüz tutdy. Olar Hindistanda brendleriň önümlerini Xiaomi-niň gurluşlary bilen gönüden-göni deňeşdirýän mahabat kampaniýasyny bes etmegi talap etdi. Xiaomi-niň mahabat kampaniýasy tutuş ýurt boýunça hem çap, hem sanly medialary gurşap aldy...

21.07.2025 13:57
6.8k+

Apple bildirişden öň iOS 26-nyň dizaýnyny syzdyrandygy üçin belli blogeri kazyýete berýär

Apple kompaniýasy bloger Jon Prosseriň üstünden iOS 26 ulgamy baradaky gizlin maglumatlary bikanun peýdalanmakda, “Kompýuter kezzapçylygy we ondan hyýanatçylykly peýdalanmak hakyndaky  kanuny” bozmakda we täjirçilik  syryny emele getirýän maglumatlary ýaýratmakda aýyplap, kazyýet arzasyny berdi...

11.07.2025 01:39
3.3k+

Apple kompaniýasyna täze operasion direktor bellendi

Apple kompaniýasynyň ýolbaşçylygynda üýtgeşmeler boldy: operasion direktor (COO) wezipesine kompaniýada 30 ýyldan gowrak wagt bäri işläp gelýän Sabih Han bellenildi. Ol kompaniýadan gidýän Jeff Uilýamsyň ýerine geldi...