Tesla we SpaceX kompaniýalarynyň eýesi, milliarder Ilon Mask Ultimate Fighting Championship-iň (UFC) legendasy Žorž Sen-Pýeriň gözenekde Meta-nyň ýolbaşçysy Mark Sukerberge garşy söweşe taýýarlamak teklibini kabul etdi. Bu barada Business Insider habar berýär diýip, gazeta.ru belleýär.
“Men siziň uly muşdagyňyz we meniň üçin Sukerberge garşy söweşden öň kömek etmek we türgenleşik boýunça hyzmatdaşyňyz bolmak uly hormat bolardy” – diýip, UFC-niň legendasy Maska ýüzlendi. Işewür Sen-Pýer bilen söweşe taýýarlanmaga razy boldy.
Sen-Pýer garyşyk başa-baş söweş sungatynyň öňki professional söweşijisi, ol sportuň bu görnüşiniň iň beýik wekilleriniň biri hasaplanýar. Sen-Pýer ýarym orta we orta agramda titullara eýe bolup, iki diwizionda UFC-niň çempiony boldy.
UFC-niň prezidenti Dana Uaýt Mask we Sukerberg bilen telefon arkaly gürleşendigini habar berdi. Onuň aýtmagyna görä, milliarderleriň ikisi-de söweşe çynlakaý çemeleşýär.
