Konferensiýalar ligasynyň 2024-nji we 2025-nji ýyllardaky jemleýji oýunlary degişlilikde Afinyda we Polşanyň Wroslaw şäherinde geçiriler. Bu barada çarşenbe güni Ýewropa Futbol Assosiasiýalarynyň Bileleşiginiň (UEFA) metbugat gullugy habar berdi.
28-nji iýunda Şweýsariýanyň Nýon şäherinde UEFA-nyň ýerine ýetiriji komitetiniň mejlisi geçirildi. Onda ýaryşlary we saýlama ýaryşlary geçirmek barada karar edildi. 2025-nji ýylda aýallaryň Çempionlar ligasynyň finaly Lissabonda “Žoze Alwalade” stadionynda geçiriler. 19 ýaşa çenli aýallaryň Ýewropa çempionaty 2025-nji ýylda Polşada geçiriler.
Ýerine ýetiriji komitet Kanadada, ABŞ-da we Meksikada geçiriljek 2026-njy ýyldaky dünýä çempionatyna saýlama ýaryşyny ara alyp maslahatlaşdy we oňa 16 Ýewropa topary gatnaşar. Saýlama ýaryşynda toparlar 12 gruppa bölner, hersinde dört ýa-da bäş topar bolar, toparlaryň ýeňijileri göni dünýä çempionatyna çykar, galan gatnaşyjylar pleý-offda kesgitlener. Gruppalaryň tapgyry 2025-nji ýylyň mart aýyndan noýabr aýyna çenli dowam eder.
UEFA-nyň ýerine ýetiriji komitetiniň indiki mejlisi 26-njy sentýabrda Kiprde geçiriler.
