Günorta Koreýa adaty ýaş hasaplaýyş ulgamyndan ýüz öwürdi

  • 30.06.2023 08:41
  • 14k+

Günorta Koreýa 28-nji iýundan adaty ýaş hasaplaýyş usulyndan ýüz öwrüp, adamyň doglan pursatyndan ýaşy hasaplamagyň halkara ülňüsine geçdi. Ulgamdaky üýtgeşme ýurduň häkimiýetleri tarapyndan mälim edildi diýip, Yonhap habar berýär. Muny rbc.ru ýetirýär.

Öň, respublikada adamyň doglan gününde bir ýaşy dolýar diýlip hasap edilýärdi. Täze ýylyň ilkinji güni hem ýene bir ýyl goşulýar. Ýagny, ýylyň ahyrynda doglan çagalar täze ýyl gelenden soň eýýäm iki ýaşly bolýarlar. Bu ulgam “koreý ýaşy” diýlip atlandyrylýardy. Ondan ýüz öwürmek bilen ýurduň raýatlary şol bir-iki ýyl ýaşardylar.
Täze ülňi kazyýet we administratiw gurşawda ulanylar, ýöne ol harby gulluga çagyryş, alkogol içgilerini içmäge gadaganlyk ýa-da mekdepde bilim almak meselelerine täsir etmez.

“Bir bitewi ýaş hasaplaýyş ulgamy ýaşy hasaplamagyň birnäçe ulgamynyň ulanylmagy sebäpli çykýan sosial çykdajylary ep-esli azaldar” – diýip, kanun çykaryjy ministr Li Wan Gýu belleýär.

Ýonhap bir bitewi ýaş ulgamynyň ornaşdyrylmagynyň prezident Ýun Sok Ýoluň saýlawdan öňki wadalarynyň biridigini belläp geçýär.


şu gün 20:31
688

Günorta Koreýa mekdeplerde smartfonlaryň ulanylmagyny gadagan eder

Günorta Koreýanyň Milli mejlisi täze okuw ýylyndan mekdep okuwçylary tarapyndan smartfonlaryň we beýleki sanly gurluşlaryň ulanylmagyny çäklendirýän gaýtadan seredilen kanuny tassyklady. Bu barada Yonhap agentligi habar berýär...

15.07.2025 12:29
16k+

Günorta koreýaly balykçylar awlan 1,9 million dollarlyk balyklaryny deňze taşlamaly boldular

Günorta Koreýanyň balykçylyk gämisiniň ekipažy umumy bahasy 1,9 million dollar bolan 1300-den gowrak  mawy reňkli ýuwaş umman tunesini suwa taşladylar. Bu barada ýerli hökümetiň maglumatyna salgylanýan South China Morning Post habar berdi...

02.07.2025 14:07
5.6k+

Oskar baýragyny alan studiýa doly emeli aň tarapyndan döredilen multserialy çykardy

“Mugthorlar” (Паразиты) filmini çykaran CJ ENM kompaniýasy doly derejede emeli aň tarapyndan döredilen “Pişik Biggi” multserialyny hödürledi. Ony döredijiler konsepsiýany işläp taýýarlamak, distribusiýa we mahabatlandyrmak ýaly ähli işler bilen EA-nyň meşgullanandygyny belleýär...

24.06.2025 19:05
6.5k+

Günorta Koreýanyň kazyýeti sanly awatarlary hakyky adamlar ýaly gorap başlady

Günorta Koreýanyň kazyýeti sanly awatarlara atylan töhmeti olaryň eýeleriniň mertebesine zyýan ýetirmek bilen deňeşdirdi. Bu barada South China Morning Post habar berýär. Kazyýet işi Plave wirtual K-pop toparynyň agzalary tarapyndan öňe sürüldi...