Şu gün, 29-njy iýunda Aşgabatda Türkmenistanyň Senagatçylar we telekeçiler birleşmesiniň edara binasynda tanymal telekeçi Saidmurod Dawlatow bilen türkmen telekeçileriniň arasynda telekeçilik barada pikir alyşma duşuşygy geçirildi.
«Akylly» şäher Arkadag» atly halkara maýa goýum forumyna gatnaşmak üçin Türkmenistana ilkinji gezek gelen Saidmurod Dawlatow 3 sagatdan gowrak dowam eden duşuşygyň barşynda telekeçilik barada gymmatly maslahatlaryny, durmuşyndan anyk mysallary paýlaşdy.
Dawlatow şeýle hem Türkmenistanda telekeçilik işini alyp barmagyň mümkinçiliklerine baha berdi we bu babatda döwlet tarapyndan oňyn şertleriň döredilendigini belledi.
