Türkmenistan Hytaýa turba geçiriji gazyny ibermekde esasy üpjün ediji bolmagyny dowam edýär. Ýanwar-maý aýlarynda Hytaýa «mawy ýangyjyň» ekspoty 4,25 mlrd dollara ýetip, 13,5% ösüş görkezdi. Bu maglumatlary HHR-iň Baş gümrük gullugy getirýär.
Gulluk energiýa geçirijisiniň importynyň fiziki möçberini takyklamady.
Hytaýa turba geçiriji arkaly gaz ibermekde ikinji ýerde Russiýa ($2,81 mlrd, 2,12 esse ösüş), soňra Mýanma (23,1% ösüş, 630,53 mln dollar) ýerleşýär. Soňra Gazagystan (25,4% pese düşme, 300,13 mln dollar) gelýär. Özbegistandan ibermeler 60,71% aşaklap, 118,63 mln dollar boldy. Bu ýurt soňky ýyllarda tebigy gazynyň daşary ýurtlara satuwyny düýpli azaltdy, hatda içerki bazarda islegiň artmagy zerarly gazyň importyny artdyrdy.
Gazagystan hem şolar ýaly sebäp boýunça eksportyny çäklendirýär. Içerki islegiň artmagy ýurduň iri senagat kärhanalarynyň kömre derek gaza geçmegi bilen şertlenendir.
