Erkin göreşiň türkmen pälwany Zyýatmuhammet Saparow Gyrgyzystanyň paýtagtynda geçirilen Erkin göreş boýunça ýaşlaryň arasynda Aziýanyň çempionatynyň altyn medalyny gazandy. Ýaryş 18-nji iýunda tamamlandy.
130 kg çenli agram derejesinde çykyş edýän türkem türgeni final tutluşygynda Gazagystandan Abylaý Soweti ýeňdi.
Bu agram derejesinde bürünç medallary Özbegistanyň wekili Namoz Abduraşidow we kambojaly Bali Sou gazandy.
Ondan öň, şu agram derejesinde grek-rim göreşi boýunça türkmen pälwany Aýbegşazada Kürräýew bürünç medal gazandy.
13-nji iýunda badalga alan Ýaşlaryň arasynda Aziýa çempionaty (U-23) 30-dan gowrak ýurtdan 450 töweregi türgeni bir ýerde jemledi. Türkmenistandan ýaryşda 24 türgen wekilçilik etdi.
