Porsche kaşaň önümleriň öndürilýän markalarynyň arasynda iň gymmat diýlip yglan edildi: Bahasyny seljerýän Brand Finance gullugy, iş ugruna garamazdan, reýtingdäki ähli markalary öz içine alýar. Agentligiň markalaryň nyrhynyň soňky gözleginde, Porsche-den başga-da ýene iki awtoulag öndürijiniň ady agzalýar.
Brand Finans Porschen-iň yzly-yzyna altynjy ýyl birinji ýerde durandygyny aýtdy. Indi markanyň bahasy 36,8 milliard ABŞ dollary. Ikinji orny 26,3 milliard netije bilen Louis Vuitton saklady, bahasy 19,4 milliarda çenli ýokarlanan Chanel markasy Gucci-ni üçünji orundan (17,8 milliard) çykardy.
Şeýle hem ilkinji onluga Hermes, Dior, Cartier, Rolex we Tiffany girdi, onunjy orny 7,4 milliard bahasy bolan Ferrari eýeledi. Gözlegde agzalan üçünji awtoulag öndürijisi Lamborghini. Italýanlar ilkinji onluga girmedi, ýöne kompaniýa iň dinamiki ösüşi bilen bellendi. Soňky bir ýylda Lamborghini markasynyň bahasy 123% ýokarlandy, ýagny 4,1 milliard dollara ýetdi.
